Kryeministri grek, Kyriakos Mitsotakis u takua me kryeministrin Edi Rama para fillimit të Samitit të NATO-s në Bruksel, sipas burimeve të mediave greke.
Me Kryeministrin e Shqipërisë, Kryeministri Kyriakos Mitsotakis diskutoi marrëdhëniet dypalëshe, si dhe kursin evropian të integrimit të vendeve të Ballkanit Perëndimor, për të cilat Kryeministri Grek përsëriti mbështetjen e vendosur të Greqisë.
Të dy Kryeministrat ranë dakord që, pas zgjedhjeve në Shqipëri, të dy vendet janë të gatshme të shpejtojnë negociatat për përfundimin e një marrëveshjeje të përbashkët me qëllim referimin e caktimit të kufijve të Zonave Detare të dy vendeve në Gjykatën Ndërkombëtare të Drejtësisë në Hagë.
Kryeministri Rama falënderoi po ashtu Kryeministrin e Greqisë për shpërndarjen falas të 20,000 vaksinave, të cilat mbërritën sot në Shqipëri.
Kyriakos Mitsotakis përsëriti interesin e përhershëm të Greqisë për Minoritetin Kombëtar Grek si dhe në përparimin e Shqipërisë në fushat e të drejtave të njeriut dhe sundimit të ligjit, të cilat janë ndër parakushtet që BE ka vendosur për Shqipërinë, për integrimin në BE.
Kryeministri grek uroi Edi Ramën për zgjedhjen e Shqipërisë si një anëtare jo e përhershme e Këshillit të Sigurimit të Kombeve të Bashkuara në dy vitet 2022-2023./Opinion.al
