“Gentian Hoxha ka humbur të dyja duart dhe pavarësisht informacioneve të pakta mbi të, ai është ende i gjallë”.
Kështu e nis gazeta italiane “Corriere della sera”, artikullin e saj për Gentian Hoxhën, 35-vjeçarin e arrestuar nga policia për prodhim të bombave të telekomanduara dhe të vendosura në celular.
Gazetari Andrea Galli shkruan se policët e kanë rrethuar dhomën ku ndodhet Hoxha, jo vetëm në pritje për ta marr në pyetje, por mbi të gjitha për të evituar eleminimin e tij në mënyrë mosnxjerrjen e ndonjë sekreti.
Më tej, gazeta prestigjoze italiane referuar rastit të Hoxhës dhe shpërthimit të papritur në dyqanin e tij pranë ambasadës amerikane në Tiranë, shkruan: si më poshtë:
“Për të inkuadruar këtë rast, që në fakt nuk është i izoluar duhet zgjeruar gjeografia. Të spostohemi, ndonëse jo shumë dhe të mbërrijmë në Puglia dhe në luftën e mafias (betjea e fundit më 9 gusht, katër të vrarë në Foggia).
Një muaj më parë ishte ndaluar një kamion në kufi me Malin e Zi. Të fshehura brenda tij ishin tre nga këto porosi me destinacion Italinë, pasi të kalonin detin. Mekanizimi në celularët bombë është i thjeshtë: gjysmë kilogramë tritol montohet në celular dhe pakoja vendoset poshtë makinës së objektivit. Duke telefonuar numrin e atij celulari aktivizohet një sensor që ndez bombën. Gjatë muajve të fundit nga Tirana deri në Jug në Vlorë, janë hapur qindra dyqane celularësh për riparimin e tyre. Disa nga pronarët janë direkt të lidhur me xhamitë. Mund të jetë thjesht rastësi, por investiguesit nuk besojnë: Ka një dyshim të fortë se bashkë me drejtimin e klanit puliez, qëndrojnë xhihadistët. Një lidhje që i konfirmon shqiptarët me këto ngjarje është ajo e masakrës së Nisës më 14 Korrik 2016, ku atentatori Mohamed Lahouaiej Bouhlel, kishte kontaktuar pikërisht shqiptarët për të siguruar armët.
Kjo situatë ka gjithashtu një anë tjetër të medaljes po në Shqipëri, ku ish-policët e rinj të mbijetuar nga lufta civile dhe nga hakmarrja e skafistëve ja kanë dalë të rimarrin pozicione të larta. Janë 40-vjeçarë të rritur me mësimet e forcave italiane të rendit në atë kohë të dislokuar në Shqipëri; kanë mësuar teknika dhe hetime dhe aftësi analizuese si dhe janë shndërruar në ndërveprues shumë të mirë. Zbulimi dhe zhvillimi i kësaj fijeje investigative të telefonmave bombë e lind nga këta investigatorë. Për shembull në skuadrën e Vlorës drejtuar nga shefi i policisë Gentian Musabelliu dhe në Fier nga homologu Artur Selimaj, prej kohësh janë vënë në ndjekje të skafistëve që kanë investuar në hektarë plantacionesh. Rruga tradicionale mes Shqipërisë dhe Pulias është përdorur për ngarkesa të paligjshme. Mbi gomone dhe motoskafë janë fshehur edhe armë. Tashmë transportohen bomba.
Denoncimet e para
Blerja e armëve nga Shqipëria është një karaktëeristikë e zonës së Cerignolas. Por çi treegon për Corriere një burim i besueshëm, kjo armë e re, pra tritoli i montuar në celular tregon një rritje të nivelit, të strategjisë e së fundi edhe të veprimit.
Droga ka lënë llogari të hapura qoftë të brendshme, qoftë edhe mes shqiptarëve dhe italianëve. Bosi i Foggias Saverio Tuçi u vra në tetor në Amsterdam; ekzekutuesi është italian, por në listën e njerëzve të tjerë të përfshirë duhet të ketë edhe shqiptarë.
Pas nxehtësisë mediatike të gushtit në Puglia ka rënë qetësia. Ndërkohë në Foggia ka nisur një revolucion i vogël i pazakontë: «Janë bërë denoncimet e para të mundimshme nga sipërmarrësit e prekur nga klani mafioz. Tashmë është radha jonë të japim rezultate të menjëhreshme, përndryshe do të jetë e kotë ». / Përgatiti: Opinion.al
Linku i shkrimit: http://www.corriere.it/esteri/18_marzo_15/albania-negozi-ripara-telefonini-cellulari-bomba-jihadisti-l-italia-046871e8-2895-11e8-86ee-403ce21a628a.shtml
