Presidenti Ilir Meta ka komentuar përplasjen e tij me kreun e KED, Ardian Dvorani. Meta u shpreh gjatë një emisioni televiziv se, çdo gjykatë që i jep të drejtë Dvoranit tregon se është e kapur politikisht dhe e korruptuar, po ashtu dhe çdo institucion ndërkombëtar.
“Nuk do të shokohesha po të ndodhte dhe kjo gjë. Që nga zgjedhja e prokurores së përkohshme që u zgjodh me 69 vota në mënyrë të paligjshme këtu kanë ndodhur gjëra të çuditshme.E vetmja shpresë për për mbrojtur këtë sistem demokratik dhe të drejtat e qytetarëve mbetet gjykata Kushtetuese.Çdo gjykatë që i jep të drejtë zotit Dvorani tregon se është e kapur politikisht dhe e korruptuar dhe çdo institucion ndërkombëtar”,-tha Meta.
Gjithashtu, Presidenti tha se Rama ka të drejtë kur thotë se për mbajtjen e zgjedhjeve vendos Paria Socialiste. Meta deklaroi se socialistë duhet të shohin një plan më afatgjatë dhe të marrin parasysh koston politike për zgjatjen e krizës politike.
“Ka të drejtë (Rama). Zgjedhjet bëhen një herë në katër vjet. Nuk mund të them që nuk vendos PS. Praktikisht ka vullnetin e saj, shumicë të mjaftueshme për të qëndruar dhe thirrur zgjedhje për çdo lloj arsyeje. Por do të ishte në interesin e vendit që PS të mos shmangej nga objektivi kryesor për të cilin dhe është votuar, integrimin europian. Opozita ka përgjegjësitë e saj, por PS duhet të vendosë në një balancë më të mirë interesat e vendit në një plan më afatgjatë sesa të bëjë një lojë pushteti dhe lojë nervash me opozitën dhe mbi të gjitha me qytetarët. Vendi ka nevojë për legjitimitet të institucioneve. Ky parlament për faj të PS dhe të opozitës nuk e ka legjitimitetin. Shiko sa deputetët ka kuvendi dhe shikojë në Kushtetutë sa është numri i përfaqësuesve. Një parlament ku të kanë ikur 183 deputetë në lista dhe ke shteruar të gjithë listat nuk e paraqet dot si institucion legjitim dhe demokratik. Legjitimiteti i parlamentit dhe pushetit vendor kthehet përmes zgjedhjeve. Dëshiron PS ti bëjë në 2021 është përgjegjësi e saj për përshkallëzimin e kësaj krize se nuk ke dialog mes institucioneve. Je në krizë të vazhdueshme dhe askush nuk të beson ty se je një vend demokratik,-u shpreh Presidenti./ Opinion.al
