Lojtarët e Kombëtares bëhen pjesë e merkatos edhe pse duhen disa muaj që të nisin lëvizjet e verës. Kapiteni Lorik Cana po mendon të largohet nga Nantes para përfundimit të kontratës.
Cana ishte i ftuar në Tele Nantes ku sqaroi planet e tij për të adhmen. Mbrojtësi tha se ndodhet për të ndihmuar ekipin për një kohë të caktuar edhe se me presidentin e skuadrës ka një marrëveshje verbale, që vlen më shumë se ajo e firmosur deri në qershor të 2017.
Kjo deklaratë mund ta kalojë 32-vjeçarin në ofertat që pati në verën e kaluar nga Katari dhe Shtetet e Bashkuara të Amerikës. Nga Lorik Cana te Ergys Kaçe. Mesfushori i PAOK është prej kohësh nën vëzhgimin e Inter, megjithatë nuk ka asnjë marrëveshje.
Këtë e pranon menaxheri i tij në një intervistë për Sport24.gr. Kaçe, i cili ka një kontratë deri në fund të sezonit të ardhshëm me PAOK vlen 5 milionë euro. Megjithatë për momentin sipas menaxherit të tij 23-vjeçari po mendon të rigjejë vendin e titullarit në prag të finaleve të Euro 2016.
Tv Klan
