Ministri i Jashtëm në Detyrë, Gent Cakaj në një deklaratë për mediat ka komentuar mbi raportin e Komisionit Europian që rekomandoi dje celjen e negociatave.
Cakaj u ndal te vlerësimi që ka dhënë Komisioni për ecurinë në reformës në drejtësi dhe luftën kundër krimit të organizuar si arritje e qeverisë.
“Shqipëria rast shembullor i transformimit të sistemit te drejtësisë dhe vlerësimin e gjyqtarëve dhe prokurorëve. Duke konsideruar numrin e kondisderueshëm të prokurorëve, raporti vlerëson lartë faktin se gjithë kjo punë është kryer nën monitorimin e OMN. Ka një vlerësim ndërkombëtar se si është bërë Reforma në Drejtësi, për shkak të pastrimit të tij, vendi ka ngritur dhe institucionet gjyqësore. Raporti konfirmon përpjekjen e qeverisë për të luftuar krimin e organizuar. Qeveria jo vetëm nuk është e përfshirë, por ka vepruar me forcë kundër saj. KE konstatoi gjithashtu she vendi ka rritur bashkëpunimin me vendet anëtare, ka ndodhur arrestimi i personave kryesor të liderëve të krimit.
Përsa i përket reformës zgjedhore Cakaj theksoi se sipas raportit ajo është penguar jo nga qeveria.
“Me ngjyrë të zezë mbi fletën e bardhë shkruhej ndër të tjera se qeveria ka bërë gjithë punën e nevojshe për reformën elektorale, por nuk ka ecur para për shkak të aktorëve të tjerë politikë. Shqipëria që duam është Shqipëria që vlerëson Europa. Shqipëria figuron si një vend që respekton parimet demokratike”,- shtoi ai
Më tej në fjalën e tij, Ministri në detyrë foli për raportimin e reformës në administratë dhe politikës së jashtme të Shqipërisë.
Raporti vlerëson edhe reformën në administratën publike dhe rritjen graduale dhe përmirësimin cilësor të ekonomisë, nga 3.8% në 4.2% në 2018. KE ka thënë që Shqipëria ka bërë të gjithë punën e nevojshme të reformës elektorale, por kjo nuk është bërë një përpjekje nga liderët e tjerë. Shqipëria, një fqinjësi të mirë në rajon dhe 100% politika e jashtme e Shqipërisë sipas asaj të BE. Ka thënë të vërtetën dhe kjo e vërtetë është përtej qeverisë. Në vend të politikave shtërpë, ka ardhur koha e dialogut të brendshëm dhe komunikimit aktiv me vendet anëtare. Jemi në vendin që s’ka pasur asnjëherë skepticizëm”, tha Cakaj./ Opinion.al
