TIRANE- Deputetët e PD, Gent Strazimiri dhe Bedri Hoxha janë dënuar me 7 ditë përjashtim nga Kuvendi. Ndërsa deputetja demokrate Albina Deda është dënuar me dy ditë përjashtim nga Kuvendi.
Deputeti demokrat Edmond Spaho e quajti të turpshëm vendimin e Byrosë së Kuvendit. Ai tha se duhet të dënohej Rama dhe Braçe që fyen deputetet demokrate Albina Deda dhe Albiona Halimi.
Ndërsa deputeti i PS, Taulant Balla pas mbledhjes tha se deputetët e PD u dënuan sipas ligjit. Ai tha gjithashtu se Albina Deda e cila ishte thirrur si dëshmitare në mbledhjen e Byrosë nuk e kishte dëgjuar Ramën, duke e fyer. “Vetë Albina tha se e mora vesh kur dëgjova Bashën në darkë tek emisioni i Fevziut se Rama më paska fyer, pasi nuk e kam dëgjuar nga zhurma në sallë”.
Gjithsesi ky është një pretendim i Ballës, pasi Albina Deda nuk e tha vetë këtë gjë kur doli para mediave pak minuta më parë. http://opinion.al/opozita-pershkallezon-protesten-bojkon-komisionet-bllokon-parlamentin/
