Ish-deputeti Oerd Bylykbashi ka thënë se zgjedhjet e parakohshme janë mundësia e vetme për të zgjidhur krizën politike në vend. I ftuar në studion e “A2 CNN”, Bylykbashi ka thënë se sipas sondazheve Partia Demokratike ka një rritje vertikale prej 10%.
“Largimi i Edi Ramës është skenari i vetëm që PD sheh në horizont, sepse protestat nuk janë zgjidhja, janë zgjedhjet e parakohshme”, u shpreh ai për “A2 CNN”.
Lidhur me sistemin zgjedhor, Bylykbashi tha se deri më tani Shqipëria ka ndërruar katër sisteme. Sipas tij, problemi qëndron te njerëzit dhe jo te sistemi zgjedhor.
“Kemi prishur katër sisteme zgjedhore duke përfshirë atë gjerman dhe atë të sotmin, sepse ne fusim në këto sisteme një karburant politik të gabuar, ose një naftë Ballshi”, është shprehur Bylykbashi./Opinion.al
