Gazetari Berat Buzhala tha se Edi Rama është kryeministri me më shumë ndikim në administratën amerikane, në të gjithë Ballkanin, madje edhe më shumë se Vuçiç. Ai e cilësoi një lajm të mirë, por tha se abuzimi i Ramës me këtë fakt është një lajm i keq.
“Unë e vlerësoj Ramën në dy pika. Mendoj se është kryeministri aktual në Ballkan me më së shumti ndikim në administratën amerikane, përfshirë dhe Serbinë. Ka diskrecion më të madh SHBA me Ramën se sa me Serbinë. Serbinë e mban për mos me lënë hemisferën ruse, mirëpo intimitet ka më shumë me Ramën. Dhe është lajm i mirë ky për ne. Fakti që abuzon Rama me këtë, është lajm i keq”, tha Buzhala ndërsa shtoi se gjithashtu vlerëson edhe menaxhimin që kryeministri Rama i ka bërë situatës së tërmetit./Opinion.al
