Kryesore

Buxheti 2022, Basha-Ramës: 113 milionë euro për PPP-të, braktisët qytetarët


Bëhu pjesë e Grupit Zyrtar të Opinion.al
>> KËTU <<
               Publikuar në : 11:11 - 15/11/21 |
Opi Nion

Kryetari i Partisë Demokratike, Lulzim Basha ka folur në Parlament lidhur me buxhetin për vitin 2022.

Basha tha se 113 milionë euro nga buxheti i shtetit shkojnë për për PPP-të dhe se familjet në nevojë janë braktisur nga qeveria.

Kryedemokrati tha se ekonomia e vendit është përqendruar në dorën e një grupi njerëzish, teksa borxhi i vendit tonë vijon të rritet.

“Nuk duhet të jesh ekonomist, apo ekspert financash, që të kuptosh se si në traditën tuaj më të keqe, këmbëngulni në mënyrë tinëzare ta vendosni buxhetin e shtetit në funksion të klientëve të qeverisë,  Nëpërmjet PPP-ve, që përsëri bëjnë motin e mirë e të keq në ekonominë shqiptare, ndërkohë gjithçka tjetër është një përpjekje për të gënjyer me indeksime vrapin e pandalshëm të çmimeve.  Të çmimeve që vrapojnë dhe parakalojnë gjasme-indeksimin e vobektë e rrogave dhe pensioneve. E ndërkohë, për këtë valë të madhe të njerëzve të zhytur në varfëri dy vitet e fundit, që i shtohet atyre që nuk e kanë kërkuar shpëtimin nga mjerimi nëpërmjet largimit nga vendi, nuk ka asnjë plan nga ju.  Pasi deri më tani plani kryesor që keni bërë të ditur është hapja e thesit për të dyshuarit e zakonshëm, oborrtarët e koncesioneve. Ndërsa radhët e gjatë të njerëzve në vështirësi ekonomike, që përballen me pamundësinë për të shtruar sofrën për veten dhe fëmijët e tyre,  Të atyre që përditë shënojnë emrat në listat e pafundme të borxheve nëpër ushqimoret e Shqipërisë,  mbeten të braktisurit e mëdhenj, sepse asgjë nuk është parashikuar për ta. Sepse po menduat për ta, rrezikoni që vitin e ardhshëm të mos jepni dot 113 milionë euro për PPP-të e klientëve tuaj. Një shifër 5 herë më e lartë se fondi i parashikuar për indeksimin e pensioneve, Ose 3 herë me e lartë se fondet vjetore që ndahen për ndihmën ekonomike për familjet në nevojë”,-tha Basha./Opinion.al

Pas