Aksioni i qeverisë shqiptare anti-informalitet duket se nuk po e përmirëson gjendjen e financave shqiptare.
Tregues i kësaj është shifra e të ardhurave në buxhet për periudhën janar-nëntor 2015: 342 miliardë lekë, që rezulton 16 miliardë lekë më pak se plani i rishikuar në gusht të këtij plani. Pani për 11 mujorin ishte 358.24 miliard lekë.
Për periudhën 10 mujore, mosrealizimi i planit kishte qenë rreth 11 miliardë lekë dhe nëntori i ka shtuar dhe 5 miliardë lekë të tjera kësaj grope.
Në krahasim me planin fillestar, buxhetit të shtetit i “mungojnë” rreth 31 miliardë lekë. Rikujtojmë se buxheti u rishikua në ulje në fund të muajit gusht, si rrjedhojë e performancës së dobët të të ardhurave, duke e kthyer buxhetin në “pikën zero“ në raport me planin dhe mosrealizimi prej 16 miliardë lekësh ka ardhur vetëm për periudhën shtator-nëntor….
Në raport me 11 mujorin 2014, të ardhurat në buxhet janë rritur me rreth 4%.
Janë të ardhurat nga tatimet e doganat (specifikisht doganat) ato që kanë shfaqur performancën më të dobët, duke ndikuar në rreth 70 % të mosrealizimit.
