Edhe deputeti Helidon Bushati në fjalën e tij në mbledhjen e grupit, ka thënë se vetëm dorëheqja e Lulzim Bashës do të ndihmonte për të shkuar drejt zgjidhjes së krizës së brendshme.
Ai ka theksuar se është fatkeqësi qe sot PD nuk është në shesh së bashku me protestuesit por ndodhet në seli duke u marre me procedura partie.
Helidon Bushati- Bashës: Kryetar, është fatkeqësi qe sot nuk jemi ne shesh se bashku me protestuesit por këtu duke u marre me procedura partie. Ne vend qe te jemi atje për te qare hallet e popullit jemi këtu duke qarë hallin e karrigeve tona. Është rasti i pare ne historinë tone qe një kryetari partie i kërkohet dorëheqja nga grupi i vet parlamentar.
Me qëndrim tuaj po ndihmoni ne agonizimin e partisë dhe po e bën Partine Demokratike te kthehet ne objekt memesh për lidhjen e pakuptueshme tuajën me karrigen.
Një drejtues qe ka humbur beteja dhe gara mund te fitoje betejën kryesore qe është beteja për dinjitetin e emrit te tij nëpërmjet dorëheqjes. Dorëheqje por duke ngelur pjese e zgjidhjes se problemit. Sot jemi këtu për te dëgjuar një dhe vetëm një gjë…DOREHEQJE. Kryetar sot ke mundësi te humbësh karrigen e te fitosh dinjitetin dhe respektin e demokrateve.
Është koha te mendojmë për bashkimin e demokrateve. Kjo nuk ndodh duke u mbërthyer pas karriges, kjo ndodh kur secili prej nesh bën hapa pas sakrifikon dhe mendon për ata demokratë shqiptarë qe presin prej nesh. Sot PD, ka nevoje për nje Kuvend Bashkimi.
