Një 21-vjeçar ka mbetur i vdekur gjatë një sherri mes dy të rinjve në Bulqizë. Gjatë konfliktit për motive të dobëta, Fatjon Keta, 22 vjeç ka qëlluar disa herë me thikë Arlind Pashën.
Pas konfliktit i riu është transportuar për në spital, por ai nuk ka mundur tu mbijetoj plagëve të marra, duke ndërruar jetë gjatë rrugës.
Pas vrasjes, autori i dyshuar u arratis dhe u shpall në kërkim policor. Ngritja e pikave të kontrollit nga ana e uniformave blu bëri të mundur kapjen dhe arrestimin e të riut pas rreth 1 orë e gjysmë.
Mësohet se Fatjon Keta kishte dhunuar familjarët mëngjesin e kësaj të enjteje para se të dilte nga shtëpia. Më pas u largua prej andej dhe mori me vete një thikë.
Më pas u takua me 21-vjeçarin dhe në konflikt e sipër e goditi me thikë duke i marrë jetën. Në Komisariatin e Policisë Bulqizë është shoqëruar për t’u marrë në pyetje edhe vëllai i autorit të dyshuar, i cili ka qenë prezent gjatë konfliktit./ Opinion.al
