Sipas Sky Sport Italia, Buffon është pranë rikthimit te Juventus. Legjienda juventine u largua vetëm një vit më parë te PSG, por tani mesa ai do të bëj një rikthim të bujshëm si zëvendësues i portierit Szczesny.
Siç raporton Gianluca Di Marzio, Buffon është në bisedime më drejtuesit e Juventusit dhe mesa duket ai ka pranuar rolin e portierit rezervë, pasi portieri i dytë aktual Matia Perin e sheh veten drejt një largimi për të marrë më shumë minuta loje.
Afrimi i Buffon mesa duket është kërkuar edhe nga trajneri i ri Sarri. Sipas tij ai është shumë i vlefshëm në dhomat e zhveshjes pasi është një lider dhe kjo do t’ja bëjë më të lehtë tranzicionin që vitin tjetër të jetë pjesë e stafit teknik.
Zërat për rikthimin e ish kapitenit të Juventusit i ka përforcuar edhe një Tweet i fundit i Buffon në të cilin ai shkruan “Udhëtimi ka një rregull, mos u kthe ashtu siç u largove. Ktheu ndryshe.” /Opinion.al
