Britania po përballet me një rritje të ndjeshme të personave të infektuar me COVID-19.
Autoritetet shëndetësore kanë njoftuar se në 24 orët e fundit janë shënuar 36,660 raste të reja me koronavirus, teksa kanë humbur jetën 50 qytetarë.
Kjo është dita e shtatë radhazi që infeksionet tejkalojnë 30 mijë në ditë, ndërsa shifra e 50 viktimave të shënuara sot është numri më i lartë që nga 9 Prilli.
54296 qytetarë morën dozën e parë të vaksinës kundër Covid të hënën, duke e çuar në totalin numrin e personave që u është injektuar doza në 45,978,017./ Opinion.al
