Konservatorët e Theresa May kanë dal partia e parë, por nuk kanë arritur dot të plotësojnë shumicën parlamentare.
Krahasuar me paralmentin paraardhës ata humbën 10 vende. Mes humbësve edhe 5ministra të qeverisë May.
Partia Konservatore e kryeministres britanike May, fitoi 314 vende në Parlament, tregojnë exit poll-et e para të zgjedhjeve të së enjtes.
Sipas tyre, Laburistët kanë dalë të dytët, me 266 vende.
Gjithnjë sipas exit poll-eve, Konservatorët vështirë se do të sigurojnë shumicën absolute në Parlamentin 650-vendesh, për të qeverisur të vetëm.
Partia Kombëtare Skoceze ka siguruar 34 mandate, ndërsa Liberal-Demokratët 14.
Theresa May, nëse nuk arrin të formojë e vetme qeverinë, do të duhet të bëjë koalicion ose të qeverisë me mbështetjen e disa prej partive më të vogla.
Kjo, sipas vlerësimeve të agjencisë Reuters, mund të shkaktojë trazira në skenën e brendshme politike dhe të shtyjë negociatat për daljen e Britanisë nga Bashkimi Evropian, të cilat duhet të nisin më 19 qershor.
May i ka thirrur zgjedhjet e parakohshme në fillim të prillit, me qëllim forcimin e pozicionit të saj në negociatat për Brexit.
Këto negociata do të ndikojnë punësimin në Britani, pagat, çmimet e banesave, normat e interesit, migrimin, nivelin e tregtisë, mbrojtjen dhe sigurinë, financat publike dhe shërbimet pubike.
May, gjatë fushatës zgjedhore, ka thënë se opozita do që të pengojë vullnetin e popullit britanik për dalje nga BE-ja.
