Një burrë është arrestuar pasi u përplas me makinë jashtë derës së zyrës së Kryeministrit britanik, Rishi Sunak, ose siç quhet ndryshe “Downing Street”.
BBC shkruan se ai është i dyshuar për dëmtim kriminal dhe ngjarje të rrezikshme, por incidenti nuk po trajtohet si i lidhur me terrorizmin.
Nga ngjarja fatmirësisht nuk ka të lënduar, por është konfirmuar se Rishi Sunak ishte në Downing Street në momentin që ndodhi përplasja.
Zona në Whitehall, rruga kryesore që kalon në zemër të disa zyrave qeveritare, u evakuua pjesërisht pas incidentit në orën 16:20 BST.
Rruga është rihapur për trafikun, por shiriti i policisë mbetet në vendngjarje dhe makina qëndron po atje.
Oficerët janë parë duke kontrolluar makinën edhe me qen nuhatës./Opinion.al
