Policia ka arrestuar një 29-vjeçar, i cili dyshohet se ka vjedhur sende personale në 12 automjete që iu ka thyer xhamat.
Sipas policisë, 29-vjeçari mbrëmjen e djeshme, ka vjedhur sende personale në 6 automjet që iu ka thyer xhamat, në një vendparkim në Asir.
“Shërbimet e Komisariatit të Policisë Nr. 6, pas denoncimeve nga disa drejtues automjetesh, për vjedhjen e sendeve personale nga automjetet e tyre, pas thyerjes së xhamave, bazuar dhe në inteligjencën informative, organizuan dhe finalizuan operacionin policor të koduar “The End”.
Në kuadër të operacionit, u kap dhe u arrestua shtetasi E. N., 29 vjeç, banues në Tepelenë.
Nga veprimet hetimore dyshohet se ky shtetas, mbrëmjen e djeshme, ka vjedhur sende personale në 6 automjet që iu ka thyer xhamat, në një vendparkim, në Astir. Gjithashtu, gjatë 48 orëve të fundit, në lagje të ndryshme të Tiranës, ka vjedhur sende të ndryshme në 6 automjete, pasi ka thyer xhamat e tyre, me sende të forta.
Materialet procedurale i kaluan Prokurorisë, për veprime të mëtejshme./Opinion.al
