Aktualitet

Bregu:Të krijohet sistemi “Identiteti dixhital” për Ballkanin, ja qëllimi që ka


Bëhu pjesë e Grupit Zyrtar të Opinion.al
>> KËTU <<
               Publikuar në : 15:59 - 13/10/21 |
Opi Nion

Sekretarja e Përgjithshme e Këshillit të Bashkëpunimit Rajonal (RCC), Majlinda Bregu në mbylljen e Samitit të 4-të, digjital të Ballkanit Perëndimor tha se propozon krijimin e “Identitetit Dixhital”, për t’i ofruar qytetarëve dhe bizneseve të Ballkanit Perëndimor  mundësi që të mund të lidhin identitetet e tyre dixhitale me dëshmitë e tjera personale, si patenta e shoferit, diploma, llogaria bankare.

“Po e shfrytëzoj këtë moment, këtë panel, si një mundësi për t’ju ​​propozuar juve, ministrave përgjegjës për axhendën dixhitale, që të filloni një proces shumë kërkues, por përfitues për krijimin e Identitetit Dixhital. Ka një qëllim të mirë e gjithë kjo, për t’i ofruar qytetarëve dhe bizneseve të Ballkanit Perëndimor (BP) mundësi që të mund të lidhin identitetet e tyre dixhitale me dëshmitë e tjera personale, si patenta e shoferit, diploma, llogaria bankare, etj. BE e nisi këtë proces muaj më parë. Të dhënat, informacioni janë fuqi, ndaj shumë vende po përdorin infrastrukturën dixhitale për t’i fuqizuar njerëzit me të dhëna. Paisja e qytetarëve me identitet dixhital të besueshëm mundëson afrimin e tyre më pranë ekonomive formale. Unë besoj se ekonomitë e Ballkanit Perëndimor mund të kërkojnë vazhdimish mundësi për ta zhvilluar këtë gjë dhe ne në RCC jemi gati të mbështesim me çdo nismë e aksion rajonal të nevojshëm, “tha Bregu.

Ndër të tjera, Bregu tha se Këshilli i Bashkëpunimit Rajonal mbështet Ballkanin Perëndimor në kalimin e të shpejtë e të sigurt në rrjetin 5G

Agjenda dixhitale e Ballkanit Perëndimor që RCC po mbështet, përmban shumë masa rajonale, në të gjithë komponentët e Planit të Veprimit të Tregut të Përbashkët Rajonal (CRM) Common Regional Market Action Plan (CRM) siç janë aftësitë dixhitale të Ballkanit Perëndimor dhe Koalicioni i Punës, ndihmojë BP përgatitjet për 5G, sigurimin e kalimit më të shpejtë, më të lirë dhe më të lehtë – transaksionet kufitare, përshpejtim të rrjedhës së lirë të të dhënave, lirinë e pestë e tregut të përbashkët”, tha Bregu.

Samiti i 4 -të dixhital i Ballkanit Perëndimor është pritur nga Qeveria e Malit të Zi./Opinion.al

Pas