Tifozët maqedonas të Vardarit të Shkupit gati sa nuk janë tërbuar kur kanë parë brazilianin Zhunior të Shkëndijës së Tetovës që festonte golin ndaj ekipit të tyre me simbolin e dy duarve të bashkuara në formën e shqiponjës dykrenare.
I pyetur pas ndeshjes, Zhunior, është shprehur se këtë xhest e bëri për Ballistët (ultrasit e Shkëndijës), për tu uruar atyre 28 nëntorin.
“Në respekt të madh për gjithë tifozët e Shkëndijës, që kërkojnë të fitojmë të gjitha ndeshjet, por me Vardarin kanë një motiv edhe më të madh, kam festuar ashtu dhe kjo është dhuratë për ta dhe për ‘Ballistët’, tha Zhunior.
