Akuzave të kryeministrit, Edi Rama, se po të mos ekzistonte LSI nuk do të kishim shitblerje të votës u është përgjigjur Endrit Braimllari. Në një postim në Facebook, ai i bën thirrje Kryeministrit që të mos mbetet në kuadrin e akuzave verbale, por të shkojë të denoncojë në institucionet ligjzbatuese nëse ka prova dhe fakte.
“Hajduti që u kap me presh në dorë thërret kapni hajdutin. Prokurorinë e ke, gjykatat po, policinë po e po, ç’pret shko denoncoi. Boll shkumëzove nëpër Ambasada. Dosja 339 po shkundet nga pluhuri, ki durim.Një fjali per ty Blerina kujdes se po troket 184 ti ke qenë e deleguar bashkë me Damianin në Dibër. Do të mërzitet shumë shefi”, shkruan Braimllari.
Më herët, Rama e akuzoi LSI-në si frymëzuese dhe mëshiruese e fenomenit të shitblerjes së votës. Madje sipas tij, nëse nuk do të ekzistonte ky subjekt politik, edhe shqetësimi për shitblerjen e votës nuk do të ishte kaq serioz./B.K Opinion.al
