Ligji për sigurinë publike ka ngjallur sot debate të ashpra në Komisionin e Sigurisë. Madje kreu i komisionit, Spartak Braho i LSI-së ka kaluar deri në ofendime me deputetin socialist në këtë komision, Pjerin Ndreu.
Ndreu si relator i ligjit tha se nuk është njohur me ndryshimet që u bënë sëfundmi me konsensusin PS-LSI.
Ishte Flamur Noka që kërkoi në fillim të mbledhjes të informohej me ndryshimet që ka pësuar ligji. Sakaq, Pjerin Ndreu kërkoi shtyrje të mbledhjes së sotme, pasi si relator nuk kishte informacion për ndryshimet. Kërkesës së Ndreut i është përgjigjur kreu i komisionit, deputeti i LSI-së, Spartak Braho, për të cilin nuk ka kohë për shtyrje.
Debati në Komisionin e Sigurisë
Debati Ndreu: Unë si relator nuk di gje.. dhe kjo qe ka ndodhur është e papranueshme.
Braho: Është përgjegjësia ime qe s’jeni informuar, por si relator nuk ke lënë ndonjë gjurmë.
Ndreu: Dakord, unë dorëhiqem si relator.
Braho: Se mos na ikën dhe nga mbledhja..
Ndreu: Iki unë, nuk mund të votoj qorrazi..
Braho: S’më dukesh mirë sot.
Ndreu: Jam shumë mirë, por ju nuk jeni në rregull.
