Filmi ‘A star is born’ dhe performanca e këngës “Shallow” nga Bradley Cooper dhe Lady Gaga gjatë ndarjes së çmimeve “Oscar” bëri që të flitet gjatë për ta, madje të aludohet se ishin në një lidhje.
Pak ditë më parë mediat kanë shkruar se Cooper nuk po takohej më me Gagën dhe se po kalonte kohë vetëm me familjen e tij.
Por i ftuar në emisionin e njohur të Ellen DeGeneres, Cooper u shpreh se dëshironte të kalonte sërish më shumë kohë me Gagën.
“Mendoj se do ishte bukur nëse një mbrëmje, do të bënim diçka të tillë si të lexonim ‘live’ skriptin apo të këndonim këngë, si tek ‘Hollywood Bowl’ ose diçka e tillë”,-ka thënë aktori dhe regjisori i ‘A star is born’.
Pritet që kjo performancë e radhës së nisë spekulime të reja nga fansat e dyshes. Për prodhimin kinematografik, “A star is born” ai u shpreh se është filmi më i mirë i jetës së tij.
Aktualisht Bradley Cooper është në një lidhje me modelen Irina Shayk me të cilën ka edhe një vajzë./Opinion.al/
