InstaBIZ

Brad Pitt: Nuk kam jetë aq interesante sa rolet e mia


               Publikuar në : 08:38 - 17/09/19 |
xhu lia

Aktori i njohur Brad Pitt padyshim ka një karrierë të mbushur me role dhe karaktere mjaft interesante dhe diçka të tillë e ka pohuar edhe gjatë një interviste për revistën “GQ”.

Gjithashtu ai është shprehur se jeta e tij nuk është aq interesante sa rolet që ai bën.

“Kuptova se po luaja role shumë interesante, por nuk isha duke bërë jetë aq interesante sa e mendoja se mund të bëja”, -është shprehur Brad në intervistën e tij.

Më pas ai ka treguar se ka kaluar shumë gjëra gjatë jetës dhe për këtë arsye është mjaft i lidhur me besimin.

“Kam kaluar shumë gjëra. Jam i lidhur me besimin. Jam rritur me krishtërimin. E kam vënë gjithmonë në dyshim, por ka funksionuar përherë. Një moment kur hoqa dorë e quajta veten agnostik. Provova disa gjëra spirituale, por nuk ndihesha mirë. Më pas e quajta veten time ateist, që të dukesha si rebel, por nuk isha në të vërtetë”, –ka thënë Brad.

Aktori i njohur ka theksuar se tashmë e ka kuptuar që koha kalon shpejt dhe për këtë fakt është e rëndësishme të kalosh momente sa më shumë cilësore./Opinion.al/

Pas