Zëvendëskryeministri Erion Braçe përmes një postimi në rrjetet sociale është shprehur se protesta e opozitës ka cënuar sigurinë publike.
Braçe i ka etiketuar drejtuesit dhe anëtarët e opozitës si “politiqenë”. Sipas tij, këto protesta nuk mund t’i bëjë asgjë qeverisë “Rama”.
Statusi i Erion Braçes:
“GRUSHTA AMERIKANO-GJERMANE HANE, MË TË DHUNSHËM BËHEN!
Siguria Publike është një e mirë publike; Rendi Publik është
një e mirë publike; Drejtësia e barabartë për këdo është një e mirë publike;
Imazhi i vendit është një e mirë publike;
#ESHTEEKONOMI #ESHTEEKONOMIAJOTE
Është sot, duhet të jetë edhe nesër! #JANETEARDHURATETUA #ESHTEPUNAJOTE
Cenimi i sigurisë publike nga 2000, 3000, 5000, ja dhe 10000 njerëz të dhunshëm, nuk i bën asgjë një shumice politike, zero!
Ama ekonominë tënde e godet! Mendoje pak,
dy elementët kyc të ekonomisë gjatë vitit të fundit ishin:
#INVESTIMETEHUAJA dhe #TURISTETESHUMTE
Një grusht politiqenësh të korruptuar, tamam ata që kanë vjedhur duke vrarë e kanë vrarë për t’u mbrojtur, po shkatërrojnë ekonominë tuaj! Atë ekonomi që e keni ngritur vetë, me mund, djersë e sakrifica të ardhurat tuaja; Për të tjerët,
atë ekonomi që ju jep punën e prej saj edhe të ardhurat e përditshme! Mos i falni këta fundërrina që
nuk janë si ju, nuk kanë hall të nxjerrin fundin e muajit, të paguajnë rrogat e punëtorëve çdo fund muaji.
Janë tamam politiqentë që as e vrasin mendjen për ekonominë tuaj, por po bejnë cmos të kenë ekonominë e tyre! Duan para më shumë, ndaj duan pushtet sa më parë! Pa zgjedhje sepse e dinë që ju s’i votoni me kurrë. Me dhunë!
Me dhunë mbi çdo polic të shtetit të angazhuar për sigurinë publike, me dhunë mbi secilin prej jush,
ekonominë tuaj e të ardhurat tuaja! Kur ndodh kjo, ligji duhet të mbrojë interesin publik! Ligji mbi të gjithë!/ Opinion.al E.Xh.
