Zv.kryeministri, Erion Braçe i është përgjigjur presidentit Ilir Meta, lidhur me kërkesën e këtij të fundit ndaj qeverisë për ta shpallur të gjithë luginën e lumit të Vjosës Park Kombëtar.
Përmes një postimi në Facebook, Braçe shkruan se lumit Vjosë nuk i kanoset asnjë rrezik, por problem sipas tij është Mali i Tomorrit, që “çunat në pushtet nga Skrapari” e bën copa për pllaka.
“Je vone shume zotëri; Vjosës tani nuk i kanoset asnjë rrezik! Problemi është Tomori, mali domethënë; Ishte Park Kombëtar dhe çunat me pushtet të Skraparit e bën copash për pllaka me lekë! Dhe vazhdojnë madje! VAKSINA? Mbaj mend qe tani afër, jo shume larg, u sëmuren lopët vërtetë, nxorëm leket, u blenë vaksinat për to dhe, nisi ti ndante e tua ngulte lopëve LSI-ja; Super infrastrukture! Madje ne një shtëpi me 6 lope desh rrahën edhe udhëheqësin se dy lope kishin ngordhur”, shkruan Braçe.
Ditën e djeshme presidenti Meta i bën thirrje qeverisë të dëgjojë zërin e komunitetit, shoqërisë civile, aktivistëve të mjedisit që të tërhiqet nga çdo projekt që parashikon ndërtimi të HEC-eve mbi lumin Vjosa./ Opinion.al
