Zëvendës kryeministri Erion Braçe i është drejtuar kreut të opozitës Lulzim Basha duke e akuzuar se ai është përgjegjës për vjedhje të fondeve në rrugën Rrëshen-Kalimash.
Në një postim në Instagram, Braçe sjell në vëmendje kontratën e rrugës Rrëshen-Kalimash duke shkruar se tabela ne kontrate-faqe 151 tregon se kosto e synuar për atë segment është 418 milionë euro por sipas tij për rrugën u paguan 900 milionë euro.
Braçe replikon me Bashën në postimin e tij në lidhje me deklaratat e djeshme të këtij të fundit për aksin Thumanë-Kashar. Basha akuzoi qeverinë se aty ka kryer një vjedhje prej më shumë se 200 milionë eurosh. Por Braçe shkruan se ai aks nuk po ndërtohet kështu që nuk është paguar asnjë shumë për të, madje ai shton se qeveria është në gjyq me kompaninë Gener 2, e cila ishte zgjedhur për tenderin e ndërtimit të rrugës, për anulimin e kontratës.
“Ne dosje bashke me kontratën, kam akuzën e ngritur ndaj teje nga prokuroria e republikës; Aty tregohet si është vjedhur! Ashtu është vjedhur ne rrugë! Përgjegjësi për vjedhjen sipas prokurorisë, je ti!
Bindju ligjit e dorëzohu para gjykatës Lyrzim!” shkruan Braçe në fund të postimit të tij të cilin pas disa minutash e ndau edhe kryeministri Rama në Twitter. /Opinion.al
LYRZIM, A E MBAN MEND KETE KONTRATE?
LYRZIM, A E MBAN MEND KETE TABELE?Eshte kontrata e ndertimit te rruges RESHEN-KALIMASH;
Eshte tabela ne kontrate-faqe 151,
E KOSTOS SE SYNUAR:
418 MILION EURO!NE FAKT TI… https://t.co/WFYtrIz1Cq
— Erion Brace (@ErionBrace) August 9, 2019
