132 persona kanë humbur jetën nga koronavirusi deri më tani, ndërsa është konfirmuar se 5974 persona të tjerë janë të infektuar.
Ndërkohë, teksa vendet e prekura po punojnë për gjetjen e kurës së këtij virusi, një situatë e pakëndshme ka ndodhur mes revistës daneze Jyllands-Posten dhe ambasadës së Kinës në Kopenhagën.
Revista Jyllands-Posten ka publikuar një karikaturë ku në vend të yjeve që e karakterizojnë flamurin Kinezë, janë vizatuar koronavirusi që po frikëson me përhapjen e tij.
“Karikatura nuk kishte minimumin e solidaritetit dhe ka kaluar cakun e qytetërimit dhe kufirin etik të lirisë së shtypit”, deklaroi ambasadori kinez. Sipas ambasadës artisti Niels Bo Bojesen dhe gazeta duhet t’ i kërkojnë të falur popullit kinez.
Jyllands-Posten nuk është e re me polemikat për karikaturat e saj. Në vitin 2005, gazeta botoi karikatura të profetit Muhamed që shkaktuan protesta në vend dhe kërcënimet e qarqeve më ekstremiste islamike./ Opinion.al
