Është zhvilluar ditën e sotme në Tiranë mbledhja e Këshillit të Stabilizim Asocimit mes BE dhe Shqipërisë.
Për herë të parë, kjo mbledhje u zhvillua në Tiranë, ndërsa të pranishëm ishin edhe dy zyrtarët e lartë të BE-së Josep Borrell dhe komisioneri europian Oliver Varhelyi. Në përfundim të mbledhjes Borrel, Varhelyi dhe Rama mbajtën një konferencë për shtyp.
Përfaqësuesi i larte i BE, Josep Borrell, gjatë fjalës së tij, është shprehur se Shqipëria ka bërë progres për anëtarësimi me BE, ndërsa ka theksuar se institucionet shqiptare duhet të përshpejtojnë reformat.
Ai më tej theksoi se tashmë ka një dakordësi me Ramën që skema e pasaportave të arta nuk do të ecë më tej.
“Është vizita ime e tretë në Shqipëri si përfaqësues i BE por sot është moment historik për marrëdhëniet tona. Sot jemi këtu për t’i treguar popullit shqiptar që BE është më pranë jush si vend kandidat për BE. E përdorin këshillin e stabilizim asociimit për marrëdhëniet mes BE dhe Shqipërinë. Shqyrtojmë çfarë është bërë, ku ka nevojë për përpjekje dhe çfarë mund të bëjmë. Ne shohim dhe mirëpresim drejtimin strategjik të qarë të Shqipërisë në BE. Po punojmë për anëtarësimin e Shqipërisë në të gjitha fushat. Dua të pranoj dhe të vlerësoj se ky vend ka treguar pjekuri në të gjitha reformat, sidomos në drejtësi e cila ka ecur përpara. Institucionet shqiptare duhet të përshpejtojnë reformat. Patëm mundësi të mirëpresim vendimin e kryeministrit që nuk do të bëhet miratimi i pasaportave të arta.”- tha Borrell.
