Deputeti i PD-së, Luçiano Boçi ka reaguar në rrjetin social facebook në lidhje me projektin e rrugës Qukës-Qafë Plloçë.
Ai shkruan se Rama është i përqendruar tek kullat e tij të betonit “harroi”, ose më saktë bëri sikur harroi, se rruga Qukës-Qafë Plloçë është tërësisht projekt i qeverisë së Partisë Demokratike dhe i financuar në fillimet e saj po nga ajo, si domosdoshmëri e zhvillimit ekonomik e social të asaj zone.
Boçi vuri në dukje se se rruga duhej të kishte përfunduar nga qeverisja socialiste, si detyrim e premtim njëkohësisht.
Ai nënvizoi se kryeministri që “zihet me rrobat e veta”, zihet akoma më keq me projektet që u vijnë në ndihmë komuniteteve.
Duke shtuar më poshtë, se aq më tepër kur janë iniciuar nga PD.
“Prandaj, sot ato janë braktisur, sikurse kjo rrugë, në mëshirë të fatit dhe thërrimeve që i akordon Rama në prag zgjedhjesh dhe thjesht për propagandën e radhës”, nënvizoi Boçi.
Në vijim të fjalës së tij, deputeti demokrat theksoi se njeriu që nuk ka ndërtuar asnjë kilometër asfalt vetë, përveçse kilometrave betone kudo, në lulishte e qendër qytetesh, kërkon të mburret me ato që i lamë gati e që kurrë nuk i përfundoi.
“I turpshëm është fakti se ky kryeministër i pashpresë e i paprojekt me njerëzit, përpiqet ti hedhë hi syve atyre dhe ti tallë shqeto, -shkruan ai- pa u dhënë llogari se ku është rruga e Orenjës, rruga e Lunikut, e Stëblevës, rruga e Vehçanit, e Qukës-Shkumbin, e Bërzeshtës e Stravajt???!!!”
Deputeti Boçi në fund të shënimit të tij në facebook, i drejtoi edhe disa pyetje në formë kujtese kryeministrit Rama.
I kujtoi atij ujësejellësin e Vehaçanit, Xhyrës, Rrajcës dhe Stravajt.
Gjithashtu, Boçi nuk la pa përmendur edhe premtimet e pambajtura për shkollat e Hotolishtit, të Orenjë e Vilanit.
“Ku janë pyjet e rrafshuar të Qukësit, Stravajt, e Shebenikut?”, shkruan Boçi.
Reagimi i plotë i deputetit Luçiano Boçi:
“Rama i përqendruar tek kullat e tij të betonit “harroi”, ose më saktë bëri sikur harroi, se rruga Qukës-Qafë Plloçë është tërësisht projekt i qeverisë së Partisë Demokratike dhe i financuar në fillimet e saj po nga Partia Demokratike, si domosdoshmëri e zhvillimit ekonomik e social të asaj zone.
Harroi që tashmë ajo duhet të ishte e përfunduar nga qeverisja e tij, si detyrim e premtim njëkohësisht.
Kryeministri që “zihet me rrobat e veta”, zihet akoma më keq me projektet që u vijnë në ndihmë komuniteteve.
Aq më tepër kur janë iniciuar nga PD.
Prandaj sot ato janë braktisur, sikurse kjo rrugë, në mëshirë të fatit dhe thërrimeve që i akordon Rama në prag zgjedhjesh dhe thjesht për propagandën e rradhës.
I kapur tek “maja e thanës” (kullës) na flet si e “ëma e Zeqos”!
Njeriu që nuk ka ndërtuar asnjë kilometër asfalt vetë, përveçse kilometrave betone kudo, në lulishte e qendër qytetesh, kërkon të mburret me ato që i lamë gati e që kurrë nuk i përfundoi.
I turpshëm është fakti se ky kryeministër i pashpresë e i paprojekt me njerëzit, përpiqet ti hedhë hi syve atyre dhe ti tallë shqeto, pa u dhënë llogari se ku është rruga e Orenjës, rruga e Lunikut, e Stëblevës, rruga e Vehçanit, e Qukës-Shkumbin, e Bërzeshtës e Stravajt!!???
Ku është ujësjellësi po i Vehçanit i Xhyrës, i Rrajcës i Kotodeshit?!!!!
Ku janë shkollat e Hotolishtit, të Orenjës e Vilanit???!
Të gjitha të premtuara.
Ku janë pyjet e rrafshuar të Qukësit, Stravajt, e Shebenikut???!!!
Këtë të na kishtë thënë “e ëma e Zeqos” dhe jo të pompozonte e të mburrej me “dhëmbët e kalit të tjetrit”!!!!”
