Kantautori i njohur amerikan Bob Dylan është paditur nga një grua, e cila pretendon se ai ka abuzuar seksualisht me të në vitin 1965, kur ishte vetëm 12 vjeçe.
Mediat bëjnë me dije se gruaja akuzon yllin e rokut se “shfrytëzoi statusin e tij si muzikant për t’i dhënë drogë e alkool, si edhe ka abuzuar disa herë seksualisht me të”.
Gjithashtu pretendon se Bob Dylan e kërcënoi se do të ushtronte dhunë fizike ndaj saj. Ndër të tjera thuhet se abuzimi ndodhi në apartamentin e Dylan në Hotel Chelsea të Nju Jorkut.
Padia u ngrit të premten e kaluar në Gjykatën Supreme të Nju Jorkut, ndërkohë që zëdhënësi i Dylan i tha BBC se “pretendimi 56-vjeçares është i pavërtetë dhe do të mbrohet me forcë”. Akuzuesja e cila aktualisht jeton në shtetin e Konektikatit është identifikuar vetëm nga inicialet e saj, J.C. Ajo tha se këngëtari 80 vjeçar, i kishte shkaktuar “dëm të rëndë psikologjik dhe trauma emocionale”, dhe po kërkon dëmshpërblim.
