Ben Blushi pasi ka lexuar një sms kërcënues që i ka dërguar kryebashkiaku i Kavajës, i është drejtuar Ramës ashpër duke i kërkuar llogari se pse ngriti në piedestal rrumin.
Fjala e Blushit në Parlament
SMS e Roshit: “O Blush jam Elvis Roshi, unë nuk kam bë asnjë krim si thatë ju, dhe shumë shpejt do i sqaroj publikut por borxh nuk të kam ty sa të kem mbështetjen e qytetit të Kavajës”.
Më ka çuar edhe ca sharje por po ia kursej publikut.
Një pyetje kam për ty Rame tani (kthehet nga kryeministri), a e ka emrin Elvis apo Ervin ky që më ka cuar mesazhin mua nga numri i telefonit 069600770. Kush është ky, Elvisi apo Ervini, se ti shkon në fushatë dhe thua sa mirë që e ka ndërruar emrin, shkon Ervini në KQZ thotë tjetër gjë, tani si e ka emrin ky?
Pse po ia nxin faqen vendit, ku e ke këtë aftësi për të grumbulluar kaq të paaftë, Ervinin e Elvisin në Kavaje, Shukriu në Peshkopi, Qazon në Elbasan dhe doli ai e më tha do të vras se ke bërë libër e me ke sharë, e ti the njësoj është, ti e shave në libër. Kë përfaqëson ti këtu, gjithë llumin e Shqipërisë e ke ngritur në piedestal në Kavajë, Peshkopi, Elbasan, edhe Durrës ku ke vënë atë jastëkun që e mban me vete në avion.
Të gjithë me precedentë penale po terrorizon qytetarët me këta njerëz që kanë frikë të thonë në KQZ jam dënuar, s’jam dënuar. Si guxon ky të më cojë mesazh mua, e di unë si guxon, se mendon se e mbron ti, që më con ai mua mesazh me kërcënime, këta janë qenie të neveritshme, pse nuk i kap ligji këta, dil e thuaj këtu, ke ndërmend ta mbrosh apo jo?
Replika në sallë pas fjalës së Blushit
Meta ia jep fjalën Mediut, por ka ndërhyrë Topalli.
Topalli: Fol, mos hesht e qesh aty. Shif cfarë po ndodh more. Kërcënojnë me sms, fol pse rri?
Rama: Ulu aty!
Balla: Ku është procedura këtu?
Paloka: Po kjo ishte e rëndë!
Meta: Do pushoni se do flasë Mediu.
Blushi-Ramës: Po cohu i frikacak, cohu fol apo je shok i Elvisit?
Topalli-Ramës: Cohu jepi përgjigje
Rama: Ulu moj, ulu. Unë bëj debat me origjinalin
Topalli: Reago, pra…
Meta: Jam i detyruar të ndërpres seancën 2 minuta, meqë nuk po ndaloni.
