Pak ditë përpara referendumit të Partisë Socialiste, deputeti ben Blushi është takuar sot me anëtarët e PS në qytetin e Beratit.
Blushi ka qenë i shoqëruar nga kolegu Marko Bello.
Mësohet se takimi me anëtarët e selisë rozë po zhvillohet me dyer të mbyllura pa praninë e medias, në një lokal në këtë qytet.
Nga të dhënat paraprake bëhet me dije se në takim marrin pjesë rreth 50 anëtarë të PS-së.
Ndërsa, me datë 9 prill do të mbahet edhe referendumi që do të vendosë nëse do të ketë zgjedhje për kreun e ri të PS-së, apo jo.
