Tetëdhjetë kilogram mish i kontaminuar është bllokuar në një thertore në fshatin Mengel të Elbasanit.
Ndërsa policia ka nisur hetimet për pronarin e saj, A. SH, 63 vjeç.
Gjatë kontrollit të përbashkët të Autoritetetit Kombëtar të Ushqimit me policinë e Elbasanit, në thertoren e 63-vjeçarit u gjet sasia e mishit e cila ishte jashtë kushteve normale të konservimit, ndërkohë që personi tregtonte pa faturë tatimore.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Fshehja e të ardhurave” dhe “Prodhimi i kundërligjshëm i artikujve dhe mallrave industrialë dhe ushqimorë”.
