Fabian Topallaj në nga themeluesit Bindja Demokratike është shprehur se PD ka frikë se partia e re do i zërë vendin dhe do të bëhet më e madhe.
Kjo sipas tij, është dhe arsyeja kundërshtimeve të regjistrimit të kësaj force politike në KQZ për zgjedhjet e 30 qershorit.
“PD ka frikën se Bindja Demokratike shumë shpejt do i zërë vendin PD dhe do bëhet shumë më e madhe”.tha Topallaj.
I ftuar në “Abcnews”, Topallaj tha se bojkoti i zgjedhjeve nga ana e PD tregon mungesën e forcë së kësaj partie.
Po pretendoni anëtarësinë e PD?
Topallaj: Jo, jo vetëm anëtarësinë e PD. Fakti që PD po del jashtë zgjedhjeve dhe nuk po garon dhe do ta mbajë monopolin e të qënit opozitë, duke mos lejuar të tjerët të garojnë. Është mungesë force për t’u përballur dhe garuar. PD nuk legjitimohet, nuk ka interes se ajo ka dalë jashtë dhe ka deklaruar bojkotin, ajo duhet të hyjë në zgjedhje dhe pastaj të shprehet.
Ndërkohë, ai tha se Bindja Demokratike do të ketë kandidatura në të gjithë Shqipërinë për zgjedhjet lokale./ Opinion.al E.Xh.
