Mbrëmjen e djeshme ceremonia e ndarjes së çmimeve “Billboard” u hap nga performanca e këngëtares së njohur Taylor Swift me këngën më të re të publikuar prej saj “ME!”.
Këngëtarja u ngjit në skenë së bashku me vokalistin e grupit “Panic at the Disco” dhe të dy dhuruan një performancë e cila ishte e mbushur me zemra, ylbera, flutura dhe mbi të gjitha me pozitivitet, sipas mediave të huaja.
Por duket se shumë nga fansat dhe ndjekësit e kanë kryqëzuar këngëtaren me komentet e tyre në rrjete sociale duke thënë se një pjesë e perfomancës së Swift ishte e kopjuar nga performanca e këngëtares Beyonce në Coachella në vitin 2018, ku ajo shfaqet pas rënies së daulleve.
Në të njëtën mënyrë është shfaqur edhe Swift në fillim të perfomancës së saj mbrëmjen e djeshme, duke bërë që fansat të shpërthenin negativisht për të./Opinion.al/
