Presidenti i Shteteve të Bashkuara të Amerikës, Joe Biden udhëtoi drejt kontesë së Wayne në Michigan për t’iu bashkuar grevës së punonjësve të kompanive të makinave.
Greva është organizuar nga sindikata United Auto Workers, kundër kompanive Ford, General Motors e Stellantis, pas skadimit të kontratave të punës.
Kreu i Shtëpisë së Bardhë rrëmbeu mikrofonin dhe iu tha të pranishmëve atë që ata donin të dëgjonin mes të tjerash, se “meritonin një rritje page”
Sipas presidentit Biden, punonjësit e këtij sektori shpëtuan industrinë në vitin 2008 dhe kanë sakrifikuar shumë kur kompanitë ishin ende në vështirësi.
Punonjësit e kompanive të makinave e kanë nisur grevën prej 15 shtatorit dhe disa prej kërkesave të tyre janë rritja e pagave me 36% brenda 4 viteve, përmirësimi i kushteve të punës, asistencës shëndetësore dhe pensioneve.
