Kandidati Demokrat Joe Biden ka bërë një hap të rëndësishëm drejt fitores zgjedhore në Shtetet e Bashkuara.
Sipas projeksioneve të Associated Press dhe CNN, pasi janë numëruar pothuajse të gjitha votat (99.9%), Biden ka fituar shtetin e Uiskonsin, një nga ‘fushë-betejat’ më të rëndësishme në luftën për Shtëpinë e Bardhë.
Rezultati ka qenë i ngushtë, pasi Biden ka fituar 49.4% të votave, kundrejt 48.8% të fituara nga Trump.
Konkretisht diferenca mes tyre ishte rreth 20 mijë vota.
Në nisje të numërimit, Trump ishte përpara në Uiskonsin por ishin votat me postë ato që i dhanë fitoren demokratit Biden si dhe një mundësi të artë për t’ u shpallur president.
Uiskonsin, Miçigan dhe Pensilvania janë tre nga shtetet kyçe që përcaktojë zakonisht fituesin e zgjedhjeve. Aktualisht Biden kryeson edhe në Miçigan ndësa Trump është përpara në Pensilvani.
Fitorja në Uiskonsin i jep Bidenit 10 anëtarë në kolegjin elektoral duke e çuar totalin në 248, vetëm 22 larg nga ‘numri magjik’, 270 që duhet për të fituar.
Megjithatë, kampi i fushatës së Trump ka paralajmëruar se do të kërkojë rinumërim të votave në Uiskonsin duke qenë se diferenca është shumë e ngushtë. /Opinion.al
