Beyonce fitoi çmimin Grammy për albumin më të mirë country në ceremoninë e së dielës për “Cowboy Carter”.
Kjo ceremoni shërbeu si një formë solidariteti për qytetin pritës Los Anxhelos, pas zjarreve shkatërruese që dëmtuan një qendër të biznesit muzikor.
Ylli i pop tha se ishte “e habitur” për këtë çmim për sipërmarrjen e saj të parë në këtë zhanër.
Albumi i Beyonce u refuzua nga votuesit për zhanrin e Country Music Awards në nominimet e tyre në Shtator.
“Me të vërtetë nuk e prisja këtë”, tha Beyonce pasi iu dorëzua trofeu Grammy nga prezantuesja Taylor Swift.
“Dua të falenderoj Zotin që jam në gjendje të bëj akoma atë që dua pas kaq shumë vitesh”, vijoi ajo.
“Cowboy Carter” ishte në garë për çmimin më të mirë Grammy të albumit të vitit.
Beyonce nuk e ka marrë kurrë trofeun e albumit, ndërsa numëron 32 fitore në karrierë, më shumë se çdo muzikant tjetër.
