Ushtria gjermane shënoi rritje të forcave ushtarake, për herë të parë prej ribashkimit të saj në 1990, duke i dhënë fund një çerek shekulli të shkurtimeve të pandërprera prej fundit të Luftës së Ftohtë, njoftoi sot qeveria.
“Në total, numri i ushtarëve pritet të rritet gjatë shtatë viteve të ardhshme në 14 300 dhe forcave civile të ushtrisë në 4 400”, sqaroi ministrja gjermane e Mbrojtjes, Ursula von der Leyen, raporton BW.
“Ky zgjerim ushtarak është i nevojshëm duke marrë në konsideratë situatën aktuale shënuar kryesisht nga një rritje e tensioneve me Rusinë dhe misioneve të shumta jashtë vendit të Bundeswehrit”, nënvizoi ajo.
Gjermania po përgatitet të marrë pjesë në forcimin e prezencës së NATO-s në skajin lindor, në kufirin me Rusinë, në mbështetje të vendeve të Aleancës që ndodhen në Evropën Lindore, e cila ndihet e kërcënuar nga sinjalizimet e Moskës pas aneksimit të Krimesë në marsin e vitit 2014.
