Në konferencën e përjavshme për mediat, kreu i PD, Sali Berisha foli për udhëtime të Erion Veliajt në Teheran. Berisha tha se për këtë është informuar nga shërbimet partnere ndërsa shtoi se Veliaj e kishte Teheranin si vend pelegrinazhi.
“Meqë jemi këtu, unë do t’ju kujtoj denoncimet e mia të përsëritura për udhëtimet e Erion Veliajt në Teheran për të cila na kanë informuar shërbimet partnere, Këtë ia u kam thënë shqiptarëve në mënyrë të përsëritur. Ka një udhëtim të mundshëm të Edi Ramës por ai ka qenë një udhëtim në një konferencë , por për Veliajn e kam shumë të sigurtë. Erion Veliaj e kishte si vend pelegrinazhi Teheranin. Një udhëtim ishte bërë dhe me Ramën sipas këtyre burimeve, por ishte në kuadër të një konference të socialistëve, diçka të kësaj natyre. Asnjë gjë s’është çudi te Rama. E dëgjuat ju se kujt i kishte kërkuar për t’i kontraktuar firmën, doli. Asnjëri prej jush nuk e di se çfarë u dëshmua në juri sepse ishte top-sekret. Emri i tij dilte, sikundër del jo me fonde ruse, por me fonde ilegale për çfarë janë dënuar dy qytetarë amerikan për fotografinë që ka bërë me Presidentin Obama. Kjo ështe e njohur”-tha Berisha.
