Politikë

Berisha takim me fermerët: Rama kryeministri më i dobët. Rruga e vetme, greva



Bëhu pjesë e Grupit Zyrtar të Opinion.al
>> KËTU <<
               Publikuar në : 13:15 - 18/08/22 |
Opi Nion

Kreu i Partisë Demokratike Sali Berisha, ditën e sotme ka zhvilluar një takim me fermerët në Kashar për të folur rreth vështirësive me të cilën ata po përballen.

Gjatë takimit me fermerët, kryedemokrati tha se kryeministri Rama është lideri më i dobët në historinë e Shqipërisë. Sali Berisha akuzoi qeverinë Rama se nuk i përfill qytetarët dhe se sipas tij është e njëjta strategji që përdorte dhe komunisti Enver Hoxha.

Ndër të tjera, Berisha shtoi se në 6 vite janë larguar 744 mijë qytetarë, dhe se e vetmja mënyrë për  ta ndalur këtë është që qytetarët të protestojnë për të drejtat e tyre.

“Ne duhet të ngrihemi. Unë e kuptoj sot janë me dhjetra mijëra biznese që po shkojnë drejt falimentimit. Ka vetëm një rrugë, mbyllje qepenash dhe grevë. Kjo qeveri është një qeveri e cila nuk i përfill qytetarët shqiptarë. Cilindo që të takosh, t’i pyesësh për ligjet që janë bërë, askush nuk thotë. Enver Hoxha shkruante se ‘ma thotë mendja ime se në një vend, ka gaz’. Shkonin inxhinierët shponin dhe nuk gjenin gjë e më pas pushkatoheshin.

Mendja e tij (Rama) është bosh. Nuk ka pasur një kryeministër më të dobët se sa ky njeri. Përveçse mashtron çdo ditë, tregon cinizëm, nuk pasqyron asgjë edhe nocionet më elementare. Ai thotë se turizmi është në situatën më të mirë. Është një apel i thellë për qytetarët. Duhet folur me gjithë ata fermerë që mendojnë si ne por nuk ngrihemi. Të ulemi me ta dhe të flasim.

Shumë gjëra i injorojmë sepse nuk ia vlejmë të listosh në pafundësi. Kjo është detyra e jonë. Detyra e çdo fermeri, e çdo punonjësi. Të ngrihemi sepse jemi në rrezik të madh ekzistencial. Një komb që në 6 vite largohen 744 mijë qytetarë, ku shkojmë ne kështu. Shkojmë çdo vit njësoj si dikur. Ndanim varfërinë”, deklaroi Berisha./Opinion.al

 

Pas