Kreu i Partisë Demokratike Sali Berisha do të paraqitet sot në orën 12:00 në Prokurorinë e Posaçme kundër Korrupsionit dhe Krimit të Organizuar.
SPAK do t’i komunikojë ish-kryeministrit se cili është vendimi përfundimtar që ka marrë në lidhje me çështjen e privatizimit te ish-kompleksit sportiv “Partizani”.
Ndërkohë hetimet janë mbyllur edhe për dhëndrin e tij Jamarbër Malltezin, i cili duhet të paraqitet sot për t’u njohur me përfundimet e dosjes “Partizani”, por paraqitja e tij duhet të jetë në orën 14.
Deri më tani, Berisha, në arrest shtëpie prej dhjetori 2023, është hetuar për korrupsion pasiv në lidhje me privatizimin e ish-kompleksi sportit “Partizani”, ndërsa dhëndri i tij Jamarbër Malltezi, i cili përfitoi duke ndërtuar kulla mbi truall, akuzohet për korrupsion pasiv dhe pastrim parash, ndodhet gjithashtu në arrest shtëpiak.
