Ish-kryeministri Sali Berisha ka replikuar në parlament pas fjalës së gjatë të kryeministrit Rama. Teksa Rama sulmoi Universitetet publike, dhe ironizoi artistët Berisha e ka cilësuar si një të këqshkolluar që flet me gjuhën e një ordineri.
“Ky dhe këta injorantët pas meje nuk kanë asgjë të përbashkët me inteligjencën. Ky me një arrogancë është vërsulur kundër universiteteve. Ky ka vendosur tarifat më të larta për Universitetet në kontinentin Europian. 7 herë më të larta janë kostot e Universitetit krahasuar me BE-në, përveç Britanisë së Madhe. Paratë e taksave janë të qytetarëve, dhe ky ja kalon Universiteteve që i sjellin çanta me euro në zyrë” – është shprehur Berisha.
Ai është ndalur edhe te pjesa që Rama tha se Mynyr Konin duan ta shkarkojnë dekanët ndërsa e ka akuzuar se do ta heqi për pazaret e tij.
“Ky foli me gjuhën e Shullazit kundër Universiteteve. Tani me Mynyr Konin nuk bëjnë dot pazare siç bënin me atë zonjën që kishte bërë takime paraprake, dhe o burra tani ça të bëjmë që të shkatërrojmë Universitetin pulbik sepse ka numrin më të latë të studentëve pasi duhet që Universitetet private të marrin fondet dhe të ndajnë me ta paratë e taksapaguesve shqiptar.” – është shprehur Berisha.
“Të quash Universitetin bishtin e fundit të kavallit, me gjuhën e një ordineri, mediat janë kazan, Universiteti është bishti i fundit i kavallit, artistët s’dinë ç’kërkojnë. Vetëm një i çmendur i thotë këto, ky ka rrjedhur.”
