Kreu i PD-së, Sali Berisha tha se ka informacione se kryeministri Edi Rama ka parashikuar ekzilin pasi e di që do të jetë në kërkim nga drejtësia shqiptare dhe jo vetëm.
Në një konferencë me gazetarët, Berisha tha se sapo ai të vijë në pushtet do ta shpallë non grata “kryemafiozin Soros”, siç e quajti ai.
Sipas tij mafia ndërkombëtare më e rrezikshme e kohërave, me në krye Sorosin, mori një goditje të fuqishme nga qytetarët amerikanë.
“Mafia ndërkombëtare më e rrezikshme e kohërave, me në krye Sorosin, mori një goditje të fuqishme nga qytetarët amerikanë, të cilët me votën e tyre firmosën mrekullinë amerikane dhe jo vetëm amerikane.
Është një betejë e gjerë, jo e lehtë, por natyrisht shqiptarët nuk do të kenë më çdo dy javë mysafirë të paftuar kryemafiozin Soros, i cili në udhëtimet e tij të mistershme, nuk ka njeri që thotë se çfarë e shtynte atë të vinte çdo dy tre javë. E garantoj, se fondacioni i tij do të mbyllet një herë e përgjithmonë në Shqipëri dhe ai do të shpallet nuk grata. Edi Ramën e pret McGonigal.
Të dhënat janë se Rama ka parashikuar një ekzil diku sepse e di që do të jetë I kërkuar, jo vetëm drejtësia shqiptare, por edhe drejtësia e vendeve të tjera”, tha Berisha.
