Ish-Kryeministri Sali Berisha deklaron në një intervistë për gazetaren Eni Vasili se është Kryeministri Rama ai që nxjerr në publik aferat e Kreut të Kuvendit Ilir Meta, pasi kërkon arrestimin e tij.
Sipas Berishës “Rama e ka futur Metën në kafaz” dhe për këtë i referohet shprehjes së Ramës për Metën: Do të fus brenda!
Për Berishën, Rama e ka kuptuar se me Ilir Metën është një hiç dhe prezenca e Metës i rrezikon kontrollin mbi partinë, ndaj do ta fusë në burg.
“Kërkon t’i marrë LSI-në, por të jetë për atë punë nuk ia merr dot sepse ky Zotëria ka reflekse politike 5 herë më të zhvilluara se ai”, thotë Berisha
“Nuk ka aleancë sepse çdo aferë që i del Metës, i del nga Edi Rama. Kush e nxorri çështjen e DIAS në Vienë? Kush i nxorri në media? Ishin të komanduar nga Edi Rama ata. Meta është në qeveri për ti bërë fresk me vota Ramës”, thotë Berisha.
