Ish-kryeministri Sali Berisha në një konferencë për mediat në selinë blu u pyet edhe për negociatat për presidentin e ri të Republikës.
Ai u shpreh se Rama mund ta zgjedhë presidentin edhe me votat e tij, pasi i ka votat nga zgjedhjet e plaçkitura. Sipas Bershës, kryeministri mund ta bëjë këtë gjë por ai s’mund ta implikojë opozitën në këtë proces.
Ndër të tjera Berisha kujtoi edhe sjelljen e kryeministrit mbrëmë në emisionin “Opinion”, ku i pyetur për inceneratorët, nga drejtuesi i emisionit Blendi Fevziu, Rama zgjodhi t’i bashkohej publikut pët të shmangur përgjigjen.
Sipas Berishës, Ramës i kallet data sa herë i përmendet emri i kundërshtarit të tij, për faktin se sumë socialistë e pëlqejnë.
“Së pari në qoftë se Edi Rama vendos të zgjedhë me votat e tij presidentin mund ta bëjë këtë sepse pavarësisht se zgjedhjet i plaçkiti dhe ato nuk shprehën vullnetin e popullit për fat të keq, komuniteti ndërkombëtar vazhdon t’i dënoje dhe opozita nuk i doli zot votës së qytetarë. Rama mund ta zgjedhë, por ai nuk mund të implikojë opozitën aktuale në këtë proces. Ndaj edhe preferoj që të mos angazhohemi në një diskutim që nuk i ka ardhur koha akoma. Por me lejoni tu jap një këshillë; mos harroni dhe asnjëherë të mos e pyesni për inceneratorët sepse do të vrapo dhe do të dalë jashtë. E patë mbrëmë si u ngrit. Del qartë se nëse ju e pyesni për inceneratorët është njëlloj si të tregoni litarin në shtëpinë e të varurit. Sa më pak t’i përmendi emrin tim sepse e patë mbrëmë dhe e shikoni çdo ditë sesi ky emër ka filluar t’i kallë datën. Ai e di që unë jam i pëlqyer edhe nga socialistët e tij”,-u shpreh Berisha./Opinion.al
