Ish-kryeministri Sali Berisha në një konferencë për mediat të mbajtur ditën e sotme u pyet nga gazetarët për deklaratat e DASH, të cilët një ditë më parë thanë se janë të tronditur për “sulmet” e Berishës ndaj ambasadores Yuri Kim.
Berisha tha se ka respektin më të madh për ambasadoren kur ajo vepron në përputhej me përfaqësimin e Joe Biden dhe nuk pajtohet me qëndrimet e saj në mbështetjen ndaj Edi Ramës dhe veprimet të cilat ish-kryeministri i cilësoi të mirëfillta anti-opozitare.
‘Pyetja del jashtë kontekstit të bisedës, por u garantoj ju se e kam të qartë dhe kam respektin më të madh për ambasadoren kur ajo vepron në përputhej me përfaqësimin e Joe Biden dhe nuk mund të pajtohem me qëndrimet e saj kur ajo vepron si guvernatorë. Kur vepron si guvernatorë do ta kundërshtoj dhe do ta denoncoj. Politikat e SHBA-së synojnë mbështetje për këtë vend., nuk mund të pajtohem me qëndrimet e guvernatores dhe mbështetjen që bën ndaj Edi Ramës dhe veprimet e mirëfillta anti-opozitare.’- tha Berisha.
