Ambasadori Gjerman Peter Zingraf në një dalje për mediat nga qyteti i Korçës është pyetur nga gazetarët se çfarë mendimi ka për shpalljen non grata të ish-kryeministrit, Sali Berisha.
Në përgjigjen e tij ai nuk preferoi të komentojë këtë çështje teksa theksoi se BE do të çelë shumë shpejt negociatat me Shqipërinë pasi janë plotësuar të gjitha kushtet.
“Nuk kam koment, jam këtu të vizitoj vetëm këtë projekt kaq të rëndësishëm. Më lejoni që në emër të qeverisë federale për të cilën mua më lejohet të flas të them që kushtet për çeljen e negociatave janë plotësuar tashmë dhe unë jam i bindur se kjo do të vijë shumë shpejt. Të njëjtën gjë konfirmoi dhe BE. Unë jam optimist për nisjen e negociatave. Por ky është një proces që kërkon dakordësinë e të gjitha vendeve. Ministri federal është pro këtyre negociatave”, tha Zingraf./Opinion.al
