Në protestën e sotme të opozitës foli edhe ish-kryeiministri Sali Berisha. Ai tha se procesi në parlament për shkarkimin e presidentit është një grusht shteti dhe akuzoi vendimin e kolegjit zgjedhor si një akt puçist.
Sa i përket zgjedhjeve të 30 qershorit Berisha shtoi se ekspertiza e ODHIR shpalli se dekreti i presidentit mund të shqyrtohet vetëm nga Gjykata Kushtetuese. Për të gjithë procesin anti-ligjor do të mbajë përgjegjësi Edi Rama tha ish-kryeministri.
Në lidhje me format që do të përdorë opozita për ta rrëzuar qeverinë Berisha tha se kjo mund të vijë vetëm me kryengritje, në sensin e frymes dhe masivitetit ndërsa konkretisht tha ai kjo gjë i takon krerëve të opozitës.
Në fund të fjalës së tij Berisha tha “Edi Rama do kalbet të paktën 37 vjet në burg, minimumi sipas ekspertëve ai meriton një 37 vjeçar në burg”.
“Tani ai është një armik i egër i lirisë, i shëndetit, i interesit kombëtar, i këtij kombi. Po kryen një puç tani në parlament ndaj presidentit të republikës, ndërkohë që ekspertiza ndërkombëtare shpalli se dekretet e tij janë në fuqi. Këta narkohorra duhet të fshihen nga faqja e dheut. Komisioni hetimor është një akt puçist, i mirëfilltë ndaj këtij vendi që kreu i meduzës, bashkë me narkohorrat ndërmori ndaj kushtetutës, institucionit të Presidencës. për gjersa ekspertiza ndërkombëtare shpalli se ato dekrete s’mund t’i shqyrtojë askush tjetër përveç gjykatës kushtetuese, as narkoqeveria e kupolës së mafies, as narko KQZ e Denar Bibës, po iu them shqiptarëve ata po bëjnë hapa të qarta të grushtit të shtetit dhe do përballet Edi Rama. Edi Rama do kalbet, të paktën 37 vjet në burg me vjedhjet dhe aktet e tij antikushtetuese. Minimumi sipas ekspertëve i takon një 37-vjeçar në burg, ndaj i bën të gjitha këto. E di se ora e drejtësisë po afron për të.”, tha ndër të tjera Berisha. /Opinion.al
