Ish-kryeministri Sali Berisha ka uruar nxënësit për nisjen e viti të ri shkollor.
Përmes një postimi në rrjete sociale, Berisha ngre shqetësimin e braktisjes së shkollave për shkak të largimit të shqiptarëve jashtë vendit.
Ai thotë se mësuesit e vendit tonë janë më të keqpaguarit në rajon, teksa shton se ata janë të infiltuar në militantë partie dhe patronazhistë që po shkatërrojnë arsimin.
Ndër të tjera, Berisha fton qytetarët të ngrihen për të ardhmen e fëmijëve të tyre kundër këtij regjimi që qendron mbi vjedhjen krimin dhe drogën.
“Sot dita e parë e shkollës!
Të dashur miq,
Sot qindra mijëra fëmijë të ciklit shkollor elementar dhe parauniversitar nisën vitin e ri shkollor. Me këtë rast le t’ju urojmë nga zemra, të gjithë nxënësve, prindërve dhe mësuesve të tyre, dhe në veçanti vogëlushëve të klasës së parë një vit shkollor plot suksese dhe mbarësi.
Por sot në mbarë vendin qindra klasa të para dhe shkolla nuk hapin për mungesë nxënësish dyert e tyre. Këto 10 vite mbi 33% e shqiptarëve braktisën vendin e tyre. Sot mësuesit shqiptarë janë më të keqpaguarit në rajon! Trupa pedagogjike është e infiltruar masivisht nga militant partie dhe patronazhistë që po shkatërrojnë arsimin tonë.
Qytetarët janë të ftuar të ngrihen për të ardhmen e fëmijëve të tyre kunder këtij regjimi që qendron mbi vjedhjen krimin dhe drogën”, tha Berisha./Opinion.al
